XXV جازعى سۋردليمپيادا ويىندارىنىڭ العاشقى جارىس كۇنىندە قازاقستاننىڭ دزيۋدودان ۇلتتىق قۇراما كومانداسى جارىستى تاماشا باستاپ, ەكى التىن جانە ەكى قولا مەدالعا قول جەتكىزدى, دەپ جازادى Egemen.kz.
66 كەلىگە دەيىنگى سالماق دارەجەسىندە حامزە عۇلاما فينالدىق بەلدەسۋدە الجيرلىك سپورتشى بۋحيدەل ابدەرراحماندى يپپونمەن تازا جەڭىپ, سۋردليمپيادا چەمپيونى اتاندى.
73 كەلىگە دەيىنگى سالماقتا ەل قورجىنىna ەكىنشى التىندى شاديار قۋاندىق سالدى. ول فينالدا كورەيالىق دزيۋدوشى حۆانگ حيوندى يپپونمەن ۇتىپ, جوعارى شەبەرلىك پەن بەلدەسۋ سوڭىنا دەيىنگى بارىنشا جيناقىلىقتىڭ جارقىن ۇلگىسىن كورسەتتى.
48 كەلىگە دەيىنگى سالماق دارەجەسىندە سىنعا تۇسكەن ايىم جەتپىسباەۆا جۇبانىش بەلدەسۋىندە تۇركيالىق سپورتشى ەليف كيۋچۋكارسلاندى جەڭىپ, سۋردليمپيادا ويىندارىنىڭ قولا جۇلدەگەرى اتاندى.
60 كەلىگە دەيىنگى سالماقتا التىنبەك كاكىتاەۆ جۇبانىش بەلدەسۋىندە نيدەرلاندىق سپورتشى البەرت ۆەستەرحوفتى ايقىن باسىمدىقپەن جەڭىپ, سۋردليمپيادا ويىندارىنىڭ قولا جۇلدەسىنە يە بولدى.
قازاقستان رەسپۋبليكاسىنىڭ ۇلتتىق سۋردليمپيادا كوميتەتىنىڭ توراعاسى سەرىك ساپيەۆتىڭ ايتۋىنشا, جارىستىڭ وسىنداي ءساتتى باستالۋى بۇكىل قۇرامانىڭ رۋحىن كوتەرىپ, قازاقستاننىڭ جالپىكوماندالىق مەدال كەستەسىندەگى پوزيتسياسىن نىعايتا تۇسەدى. العاشقى كۇننىڭ قورىتىندىسى بويىنشا قازاقستاندىق دزيۋدوشىلاردىڭ ەنشىسىندە ءتورت جۇلدە بار: ەكى التىن جانە ەكى قولا مەدال. سپورتشىلار ءوز ونەرىن وزگە سالماق دارەجەلەرىندە جانە باسقا سپورت تۇرلەرىندە جالعاستىرۋدا.
قازاقستان رەسپۋبليكاسىنىڭ ۇلتتىق سۋردليمپيادا كوميتەتىنىڭ باس دەمەۋشىسى – «سامرۋك-قازىنا» ۇلتتىق ءال-اۋقات قورى» اق, دەمەۋشى – سپورتتى قولداۋ قورى Sport Qory.